Área privada

28 de febreiro, moito máis que unha Asemblea

Luns, 02 Marzo de 2020 | Tags: Participación , asemblea

A Asemblea Xeral é o órgano supremo de toma de decisións do colexio, formado por todas as persoas colexiadas. Cada ano reúnese como mínimo unha vez para marcar o rumbo do colexio.

A xornada da Asemblea 2020, ademais, será un espazo para o encontro, para o intercambio e para o recoñecemento. Por iso a Asemblea vén acompañada dunha serie de actos abertos ao público, como son a formación sobre o Informe socioeducativo (ISE), a presentación do nº 13 da revista Galeduso –monográfico sobre Educación Social e Escola-, a entrega de premios da 5ª e 6ª edición do Concurso TFG.eduso, e o acto de nomeamento como Colexiado de Honra de Alberto Fernández de Sanmamed Santos. Rematando a xornada, celebrarase a Asemblea, na que se exporán as memorias de actividades e económica, se debaterán os plans de traballo e orzamentos para o 2020 e se sorteará unha inscrición gratuíta ao VIII Congreso Estatal de Educación Social.

Para unha mellor organización, pregamos confirmar asistencia. Tamén queremos xestionar posibles desprazamentos ata o lugar de celebración, polo que, se non tes posibilidade de desprazamento ou se vas levar o coche e tes algunha praza libre que poidas ofrecer, infórmanos para organizalo.

Data: venres 28 de febreiro de 2020.

Lugar: Pazo de Mariñán (Bergondo)

Información detallada:

Comentarios (1)

1 | Antia Vázquez Olmo - Luns, 10 Febreiro de 2020 ás 18:31

Aunque no estoy colegiada actualmente (estuve en un pasado) me gustaría poder asistir a esta formación ya que estoy preparando las oposiciones de educación social de la xunta, además de considerar que es muy importante conocer el ISE y saber cómo aplicarlo.

O teu comentario (*) Campos obrigatorios
 
cláusula de privacidade