Xunta de Goberno

O colexio de todas, a forza do traballo conxunto!

Participación colexial

1. Humanizando o colexio; establecer vínculos profesionais coas colexiadas e colexiados, tecendo redes e creando espazos de encontro tanto virtuais como presenciais.
2. Dando cabida ás propostas e iniciativas das colexiadas e colexiados a partir dos seus intereses.
3. Creando opinión, onde as/os profesionais se poidan achegar para debater sobre o exercicio profesional.
4. Constituíndo e consolidando grupos de traballo que poñan en valor o seu potencial.
5. Conectando co alumnado das 3 universidades galegas presentando ao Ceesg como recurso de orientación, formativo e de mellora das competencias persoais e profesionais.
6. Aumentando a colexiación para acadar un número suficientemente representativo do que supón a Educación Social en Galicia.

Presenza e visibilización

1. Achegando á sociedade galega o noso perfil profesional de cara a que coñeza as funcións e servizos que ofrecemos de xeito que valore e reivindique a Educación Social como dereito.
2. Promovendo actuacións que transmitan identidade profesional, onde nos sintamos parte e nos recoñezamos como profesionais da Educación Social poñendo en valor a nosa pluralidade e valía profesional.
3. Ampliando a nosa representación institucional na sociedade, nos diversos foros e espazos de decisión.
4. Deseñando unha estratexia de marketing e comunicación:
   • Impulsando unha liña de comunicación que coida as mensaxes e crea opinión.
   • Apostando polas novas tecnoloxías como medio de comunicación colexial, facendo da web a canle fundamental que sirva de referencia no mundo da Educación Social.
   • Con presenza nos medios de comunicación e nas redes sociais, porque o que non se nomea, non existe.
   • Promovendo publicacións variadas e atractivas sobre o noso quefacer profesional.

Desenvolvemento profesional

1. Ofrecendo recursos accesibles para mellorar a práctica profesional (virtual e fisicamente).
2. Deseñando documentos profesionais propios que faciliten o quefacer das educadoras e educadores na súa práctica e eviten a asimilación de modelos doutras profesións do social.
3. Elaborando un plan de formación que garanta unha preparación de calidade para as/os profesionais, que complemente de forma axeitada a formación inicial, respondendo ás demandas das colexiadas e colexiados de forma que faga adecuarnos ao complexo rol que a sociedade demanda.
4. Editando publicacións de calidade que promovan o desenvolvemento profesional.
5. Creando teoría da educación social en colaboración coa Universidade.

Relacións institucionais

1. Estando en rede: Rede de redes.
2. Estreitando a colaboración coas universidades e co estudantado para favorecer un coñecemento mutuo.
3. Relacionándonos con outros colexios profesionais, onde predomine a transferencia de coñecementos e o compartir profesional.
4. Implicándonos no Cgcees, participando activamente nas vogalías ou xunta permanente.
5. Colaborando con outras entidades galegas de interese social.
6. Participando en proxectos de investigación que promovan cambios sociais a prol da igualdade, dos dereitos da cidadanía e da xustiza social.

Equipo de traballo: traballo en equipo

1. Cunha filosofía común e compartida sobre valores fundamentais: a xustiza social, a igualdade de xénero, a promoción da lingua galega, e a diversidade cultural.
2. Cun sentido crítico da realidade actual e con actitude construtiva, proactiva e de comunidade.
3. Traballo en rede e colaborativo, que nos faga máis eficientes.
4. Equilibrado no reparto de responsabilidades.
5. Apostando pola calidade nos seus procedementos internos de funcionamento e relación coas persoas colexiadas e entidades do social.
6. Que valoriza ás persoas, buscando os aspectos relevantes de cada quen, e logra empoderalas na acción colectiva.
7. Que emprega e fomenta a supervisión e a avaliación continua como método de autocrítica, de aprendizaxe e de mellora progresiva no desenvolvemento das funcións encomendadas.