Colexiación

A. Solicitude de alta:
Para poder tramitar a solicitude de alta como colexiado/a do Ceesg só tes que entregar os seguintes impresos e documentación debidamente cumprimentado:

1. Impreso de alta Descarga documento
2. Fotocopia compulsada do título universitario en Educación Social ou depósito do mesmo. No caso de ser un título obtido noutro país, ten que estar homologado co título universitario de Educación Social polo Ministerio competente.
3. Fotocopia compulsada do DNI.
4. Unha fotografía tamaño carné co nome e apelidos no reverso.
5. Pagamento da cota de alta e resgardo bancario do mesmo. Poderase efectuar nunha das seguintes contas bancarias:

• Banco Sabadell: 0081-0499-61-0001046708
• Novagaliciabanco: 2080-0101-52-3040049357

A cota de alta responderá aos seguintes supostos:

a. Cota xeral (colexiación a partir do 2º ano dende a obtención ou depósito do título): 65 €
b. Cota bonificada (colexiación no 2º ano dende a obtención ou depósito do título): 35 €
c. Cota bonificada (colexiación no 1º ano dende a obtención ou depósito do título): 15 €

No caso de atoparte na situación b ou c terás que presentar unha solicitude de cota de alta bonificada. Decarga o documento

6. Impreso de domiciliación bancaria. Descarga o documento
7. Currículo académico, segundo o modelo do Ceesg ou propio. Descarga o documento
8. Suscrición do seguro de responsabilidade profesional (opcional). Infórmate aquí sobre o seguro.

Unha vez recibida a documentación no Ceesg, daráselle trámite administrativo, do que recibirás confirmación por correo electrónico xunto co teu número de colexiada/o. Nun prazo máximo de tres meses, remitirémosche por correo ordinario:

1. Unha copia da solicitude de alta e da domiciliación bancaria.
2. O certificado de colexiación.
3. O carné de colexiado/a.
4. Os documentos profesionalizadores da Educación Social.
5. A guía de servizos a colexiadas/os.

Xa formalizada a túa alta no Ceesg entrarías a formar parte da vida colexial e a disfrutar de todos os dereitos como colexiado/a.

B. Pagamento das cotas semestrais:

Como colexiada/o terás a obriga de manter ao día o pago das cotas de mantemento semestrais que o Ceesg xirará por semestre adiantado (a finais de xaneiro e a finais de xullo de cada ano).

Cotas colexiais 2012

* Cotas actualizables anualmente segundo o IPC (acordo aprobado na Asemblea Xeral do Ceesg do ano 2005). No ano 2012, por acordo da Xunta de Goberno, non se aplicou esta actualización, para non incrementar o importe.